Khatam Ho.... - Poetry

nahen gila uss intezaar se jo terey deedar pe khatam ho
lekin phir bhy gawara ho woh din jo tujhe dekhe bagair khatam ho

kaheen aisa na ho ke bana anjaam yeh kahani khatam ho
anjaam sahi lagta hai haal, per khuda na kere ke aise khatam ho

mil jaye jo raza rab ki, sab ki toh shab-e-faraq khatam ho
hai waada tub tuk tujhe chahne ki waja na khatam ho

hurr shaqs yahii chahta hai ke mera pyar khatam ho
hai intezaar kub yeh sunte sunte apni saans khatam ho

koi toh sun lo meri chah iss se pehle ke zindagi khatam ho
hum bhy chahte hein ke ho magur leke hathon mein haath khatam ho

na jaane gile shiqwe ka silsila kub khatam ho
khabar hai k juld hii teri narazgi khatam ho

jo chaha nahe tha woh hone ka dukh khatam ho
itna chahne ke bawujood duriyoon ka afsos khatam ho

ab bus nazam likhne ko mawad khatam ho
ruk ja kalam na kahin parhne wale ka hausla khatam ho....